港聞

港聞二

【Emily】「洪門宴」議員「被休假」 馮煒光問特首:根據哪條法例要求?

【明報專訊】出席洪為民生日會嘅官員同議員,部分冇同確診者同場,日前獲撤銷檢疫令,不過特首林鄭月娥要相關官員喺完成強檢後先復工,立法會主席梁君彥噚日勸喻相關者留家工作。前新聞統籌專員馮煒光喺網媒「橙新聞」撰文,話相關官員及議員冇同染疫女子接觸過,質疑「為何立法會主席要勸喻相關議員不要出席1月12日會議?特首根據的是哪條法例?大會主席又是根據哪條法例?又有哪些科學的防疫根據?」馮又話,若某場地因為有染疫者出現,到過嘅人都要「被休假」,咁不如全民強檢,「以空姐媽媽為例,她到過維園跳舞,也到過茶餐廳吃早餐;按上述邏輯,是否在空姐媽媽出現前而又到過維園及該茶餐廳人士,都要被休假?」佢又問運房局負責監管國泰,對「客機去,貨機返」係咪知情;若知情,有冇政務官要負責。

上 / 下一篇新聞