港聞

港聞二

【Emily】工人皇后山軍營打牌種菜 遺蹟變「宿舍」

【明報專訊】潮流興活化,舊軍營宿舍又可以活化做啲乜?上個月facebook專頁「空城記」話發現,皇后山軍營有部分舊宿舍疑似被地盤工人霸佔居住,晚間依燈火通明,仲影到佔用嘅宿舍範圍垃圾遍地,衛生環境惡劣。Emily噚日問過北區區議會主席羅庭德,佢話去過上址,即係皇后山龍馬路迴旋處盡頭嘅前軍營宿舍,亦問過地政處,確認冇租出呢個地方;原本以為只係皇后山邨房署承建商嘅工人入去休息同食支煙,但噚日佢進入上址,見到有人打麻將、煮飯、種菜,明顯有生活痕迹,仲撞到一個阿叔,佢兜口兜面問佢係咪住喺度時,對方回應話嗰度係員工宿舍喎。

相關字詞﹕軍營 皇后山

上 / 下一篇新聞