【Emily】新議員中信入伙 張華峰告別立會留影

【明報專訊】除夕有乜做？唔少新當選立法會議員就忙於新office入伙。新民黨李梓敬噚日正式攞鎖匙，進駐位於立法會大樓旁嘅中信大廈臨時辦公室。李梓敬同Emily講，佢同新民黨另外兩個新議員包括黎棟國同陳家珮一齊進駐13樓，「一入門口右手邊就係我哋個office，都幾自成一角，都算有啲私隱，算唔錯」；佢話呢層原本係律師樓，啲房大細唔多平均，但自己可以同兩個黨友坐埋一齊已經好滿意。