【Emily】記協晚宴獲田北俊夏佳理贊助 方皓玟：尊敬記者求真，別放棄

【明報專訊】香港記者協會噚晚舉行53周年晚宴，受防疫限制影響，只開20席，主持人形容出席嘅人都係「記協好好好好的朋友」。晚會今年邀請咗大律師公會前主席戴啟思做主禮嘉賓，仲有樂隊KOLOR、啱啱喺紅館開完演唱會嘅方皓玟擔任表演嘉賓，其中方皓玟獻唱咗《你好嗎》、Freedom、《假使世界原來不像你預期》，佢希望透過音樂畀溫暖在座嘅人，話尊敬記者為公眾追求真相，寄語大家唔好放棄。