【明報專訊】人稱「大將軍」嘅社民連秘書長吳文遠，以前坐過監，但未試過喺獄中過生日。噚日（27號）係佢45歲牛一，正因為前年10．1同10．20非法集結案服刑嘅佢，個人facebook上載一段入獄前預錄嘅影片，文遠分享生日感言，包括感謝阿媽有咁大勇氣，生咗佢呢嚿「番薯」、「叉燒」，自我形容呢嚿「叉燒」都算經典，因為以前都係「大喊拾」，但呢十幾年一直做咗啲阿媽估唔到阿仔會做嘅嘢，包括坐監，所以一定要多謝佢。
