【明報專訊】達明一派連日嚟喺灣仔伊館開騷，上周一首場演出，黃耀明唱出《那個下午我在舊居燒信》前，透露呢首歌本來配合一段回憶片段播出，但最後回憶被「消失」，當時熒幕播放黑畫面。明哥噚晚喺社交媒體上載「被消失的影像」，原來片中播出一張張香港歷史照片，有1989年影星成龍等為「民主歌聲獻中華」獻唱、《蘋果日報》今年停刊前最後一份報紙頭版，亦有身在獄中嘅前支聯會副主席鄒幸彤、壹傳媒創辦人黎智英、學運領袖黃之鋒，以及市民大遊行嘅相片。
