【明報專訊】仲有兩日就係立法會選舉投票日，近日有幾名泛民主派中人突然「落水」，公開支持非建制派候選人。其中九龍西候選人馮檢基獲民協署理主席楊彧、前區議員江貴生等支持，佢哋印刷「孖頭」入屋宣傳單張。阿彧回覆Emily，話馮檢基「帶我出身，有恩於我」，對方打咗好多次電話畀佢，所以都好難再拒絕給予支持。阿彧話，唔會動用民協資源為馮檢基助選，佢亦未安排到時間去街站派發傳單，但透露馮檢基曾向民協租借貨車宣傳選舉。另一民協成員譚國僑噚日更同馮檢基一齊落區派單張。 相關字詞﹕民協楊彧 譚香文 馮檢基 立法會選舉 地區直選
