【Emily】李世榮請願車隊遭警截停

【明報專訊】立法會選舉最後衝刺，出選新界東南直選嘅民建聯李世榮，噚日中午組織車隊遊行，但喺東隧九龍入口前遭交通警截停，見到有警員上前抄低車主資料，然後放行。李世榮就話，佢哋噚日係進行已申請嘅請願行動，至於點解出選新界區而車隊要過海呢，原來佢哋十幾架車係開去金鐘政府總部請願，要求取消現時將軍澳隧道每程3元嘅收費，認為可減少車輛繳費時間，減少塞車。警方就話，接獲有團體汽車遊行，曾派員到場維持秩序及管理交通。