【Emily】九巴明年換制服 車長著紅黑Polo恤

【明報專訊】九巴2011年4月起使用嘅車長青色恤衫制服即將成為歷史。九巴噚日宣布會喺明年1月10日起，陸續為車長、站長同站務管理員更換新制服。新制服由九巴同本地服裝品牌Baleno合作設計，其中車長制服採用Polo恤，以紅色同黑色為主調。九巴話新制服採用速乾透氣、高伸展性嘅物料，可保持乾爽舒適，方便車長靈活工作，又話新制服增加垂直嘅銀灰色反光條子，有助保障車長工作安全，亦會嚴格遵守環保採購要求。