【明報專訊】港島東立法會候選人、中科監察主席潘焯鴻噚日朝早喺北角開街站,同為另一候選人吳秋北拉票嘅工聯會郭偉强爭執。潘焯鴻喺facebook話,郭開咪鬧佢「衰狗走過嚟」、「唔喺度住」,佢於是走去同郭理論。潘上載咗短片,隱約聽到郭偉强話:「大家都係咁講,你憑咩話人啫?」、「我知道你最賤」;潘就反問「喺條街叫人係狗,你冇嘢吖嘛?」郭噚晚喺fb發聲明話對方抹黑、完全唔係事實,但冇講番事發經過,又話會向執法部門投訴對方涉嫌作「失實聲明」。 相關字詞﹕港島東 吳秋北 潘焯鴻 郭偉强 立法會選舉