【明報專訊】修改選舉制度後，提名機制到𠵱家都唔係個個市民搞得清楚。根據制度，選委可以喺立法會3個界別：地區直選、功能組別、選委會界別各提名一人參選，若另屬功能組別選民，就可以再以「業界選民」身分提名一人。網媒「眾新聞」噚日翻查資料發現，選委、全國政協高永文唔係「醫療衛生界」嘅選民，但就以業界選民身分提名龐愛蘭同林哲玄參選，而高喺新制度下屬港區人代、政協界別選民先啱。高永文回覆Emily時話非常清楚提名嘅權利同細節，知道選委只能夠喺3個界別合共提名3人。 相關字詞﹕醫療衛生界 立法會選舉
