【Emily】收集蠔殼 三跑築蠔礁

【明報專訊】為推動廢物回收同海岸保育，機管局喺三跑項目推出先導計劃，今年6月分別喺流浮山、酒店、餐廳等收集咗約500公斤蠔、青口、扇貝等嘅殼，經處理後由潛水員分批放喺三跑北面約600平方米嘅人工海堤範圍，又移植咗約3000隻蠔苗，形成「三跑蠔礁」。研究團隊兩個月後發現蠔礁生長穩定，仲有蟹、海星、蠔同青口等生物棲息。