【明報專訊】疫下人人戴口罩，市面少咗「看得見」嘅笑容，大家近期不妨去尖沙嘴行吓，望一望「微笑的菠蘿包」。旅發局同 FriendsWithYou合作，將大型藝術裝置帶到香港，包括喺俗稱「菠蘿包」嘅太空館外牆貼上眼同嘴，令「菠蘿包」都識得笑，裝置到下個月14日就拆除。Emily噚日去「打卡」時都發現有唔少人留意到新裝置，有人除低口罩同「菠蘿包」合照，兩個笑容相映成趣。
