【Emily】律師會新班子：加強審視紀律操守

【明報專訊】律師會新上任嘅領導班子，會長陳澤銘及副會長黎雅明、湯文龍、余國堅噚日同傳媒會面，陳澤銘話𠵱家律師會會員人數有1.2萬，律師事務所有941間，九成都係中小型律師行，律師會新管理層希望諗多啲方法支援佢哋。余國堅就話，律師會有角色審視會員同公司嘅紀律操守，保障公眾利益，未來會加強主動或預防性審查，亦會繼續採樣審查律師樓、派審查會計師到訪律師樓睇財務，以及加強公眾對律師會監察角色嘅了解。