【Emily】「百歲熊瑞」安安賀牛一

【明報專訊】唔經唔覺，海洋公園嘅大熊貓安安（圖）今個月就滿35歲，相等於人類嘅105歲，係人工飼養環境下全球迄今最長壽嘅雄性大熊貓，海洋公園為佢慶祝生日，而今個月亦踏入16歲嘅盈盈同樂樂都有份，生日蛋糕係由竹、番薯、紅蘿蔔等製成嘅冰蛋糕。海洋公園話「百歲熊瑞」安安平時最鍾意飲豆奶，又會好悠閒咁喺陽光下攤唞。喺生日會上，安安先四周探索生日賀禮，跟住坐喺度食最愛嘅竹筍，好快就將蛋糕推倒大快朵頤。