港聞

港聞二

【Emily】特首辦大堂設直播區 齊齊睇奧運

【明報專訊】港隊今屆出戰奧運接連報捷,今日亦有兩項賽事可衝擊獎牌,特首林鄭月娥、財政司長陳茂波等官員早前亦喺facebook分享相片,分別喺辦公室同同事睇直播,見證港隊奪佳績。林太噚日喺facebook話,為支持全城睇奧運,噚日起喺特首辦嘅大堂設立「奧運直播區」,方便同事睇港將出戰,為運動員打氣。圖中係佢(白衫)噚日同司局長開完早會後,就一齊睇何詩蓓嘅100米自由泳準決賽。林太話有睇鄧俊文同謝影雪嘅羽毛球混雙準決賽,兩人雖未取勝,但已全力以赴。佢話歡迎更多喺政府總部工作嘅同事去「奧運直播區」,為運動員打氣同歡呼。

相關字詞﹕奧運 林鄭月娥

上 / 下一篇新聞