【Emily】fb出post早5分鐘 賀張家朗 財爺出劍快過林鄭

【明報專訊】劍擊比賽快狠準，勝敗關鍵往往是毫釐之差。花劍選手張家朗噚日喺日本競賽激烈，不少政界中人都留意住賽事，特首林鄭月娥同財爺陳茂波等，噚日都喺社交媒體或政府新聞處報喜訊，睇番兩人嘅出post時間，喺張家朗四強賽晉身決賽，以至決賽贏到金牌，陳茂波都比林鄭快約5分鐘。不過，到晚上近11時半，林鄭再出Post反超前，話即晚透過喺東京嘅同事，成功同張家朗視像通話，親自向佢送上祝賀。