【Emily】金紫荊升旗用普通話中式步操 李家超主禮七一酒會 多人「集郵」

【明報專訊】噚日係七一回歸24周年，灣仔金紫荊廣場早上舉行升旗儀式，護旗方隊首次採用中式步操進場，連指令都轉埋用普通話。升旗儀式今年因為疫情同樣不設公眾觀禮區，出席儀式嘅嘉賓包括署理特首李家超、前特首曾蔭權及夫人、行政會議召集人陳智思等。去年七一正值《港區國安法》啱啱生效，升旗禮地點設有《港區國安法》嘅宣傳板，今年就未見類似安排。