【Emily】中環彩帶懸空雕塑成打卡點

【明報專訊】中環海濱近日有個打卡熱點，該處設置咗動態懸空雕塑《川流不熄》至本月15號，唔少人都到來欣賞同影相。呢個作品面積約700平方米，由超過4.5萬條色帶組成，由美國藝術家Patrick Shearn以其最具代表性嘅「Skynet」系列創作，以香港地標維港為創作靈感。彩帶隨風飄揚，如一條巨龍飛躍空中。設計展覽系列為「維港蛻變」，除中環海濱外，銅鑼灣避風塘海濱、灣仔海濱長廊等亦設有其他作品。