【明報專訊】由建制派成立嘅「元朗監察議會聯盟」噚日喺facebook出post，要求港區奧運代表要宣誓，仲話要「踢走黑暴運動員」，強調「愛國愛港，宣誓效忠，為港出征」。有轉載呢個帖嘅「元朗監察議會聯盟」成員、民建聯司徒駿軒話，呢個諗法係想貫徹公職人員宣誓，既然代表「中國香港」參賽，就要確保愛國愛港，唔應該宣揚一啲唔啱嘅野。佢話，該聯盟一直有同民政事務局就宣誓事宜保持密切聯繫，有向局方表示除咗議員，所有代表香港出去參賽嘅人都要宣誓。 相關字詞﹕馬逢國 元朗監察議會聯盟 宣誓 奧運
