【明報專訊】油塘油麗邨秀麗樓後方有個大型垃圾站，長期堆積大型垃圾，甚至多到形成「垃圾山」（圖）。當區區議員王偉麟嘅競選政綱之一就係要解決呢個問題，經過佢明查暗訪垃圾山成因，原來有搬屋公司將邨外搬屋嘅垃圾運到呢度棄置。王偉麟喺facebook踢爆，呢間咁不負責任嘅搬運公司係「誠實搬屋服務有限公司」，「既然誠實搬屋咁樂此不疲地將垃圾堆放到人地（哋）屋企，當然值得獲頒一張獎狀以茲表揚」，獎狀上印咗「不遺餘力整到油麗邨污糟邋遢」（小圖）！並請速遞公司將「表揚狀」送到該搬屋公司。
【明報專訊】油塘油麗邨秀麗樓後方有個大型垃圾站，長期堆積大型垃圾，甚至多到形成「垃圾山」（圖）。當區區議員王偉麟嘅競選政綱之一就係要解決呢個問題，經過佢明查暗訪垃圾山成因，原來有搬屋公司將邨外搬屋嘅垃圾運到呢度棄置。王偉麟喺facebook踢爆，呢間咁不負責任嘅搬運公司係「誠實搬屋服務有限公司」，「既然誠實搬屋咁樂此不疲地將垃圾堆放到人地（哋）屋企，當然值得獲頒一張獎狀以茲表揚」，獎狀上印咗「不遺餘力整到油麗邨污糟邋遢」（小圖）！並請速遞公司將「表揚狀」送到該搬屋公司。