【明報專訊】噚日母親節，唔少政界中人喺facebook出post，分享同家人相處點滴。近年環保署喺市區設多個「回收便利點」，環境局長黃錦星噚日喺fb話同媽媽去咗「綠在寶琳」，並貼出同媽媽嘅背影合照。黃媽媽首度試用「綠綠賞」積分卡、按回收物重量儲積分，又自行分類紙、膠、金屬等物品。黃錦星話事後問媽媽有咩意見，黃媽媽大讚「回收便利點」，話員工友善、流程順暢、地方俐落，相當滿意。黃錦星特意註明係媽媽自己入去，佢冇隨行，又話「阿媽教落，日常樂活都要落實咪嘥嘢」！ 相關字詞﹕新民黨 梁美芬 太古城 葉劉淑儀
