【Emily】前線．焦點2020 《明報》攝記贏7獎

【明報專訊】香港攝影記者協會「前線．焦點2020」周年新聞攝影比賽結果噚日出爐，唔少得獎相片同疫情或實施《港區國安法》有關。《明報》同事贏得7個獎，包括1亞、1季、5優異，其中攝記馮凱鍵喺去年9月6日網民發起遊行要求政府恢復選舉，拍低一對小兄妹畀警員截停，相片喺「突發新聞」組別贏得季軍，同一張相今年已取得4個不同攝影獎。阿鍵另一作品今次亦獲特寫組亞軍。