【Emily】員工打針有獎 譽宴老闆否認利誘 講真，「𡃁仔畀人利誘出嚟掟汽油彈就有」

【明報專訊】食肆如果想獲放寬經營限制，例如6人一枱、開到午夜12點，政府要求全部員工最少要打咗第一針。職工盟總幹事蒙兆達噚日喺《城市論壇》批評呢個綑綁政策嘅做法令餐飲業員工為保飯碗被迫打針，又不滿有飲食業界助紂為虐，例如譽宴集團以停工同獎金威迫利誘員工打針。譽宴集團主席張家豪就話，「唔係咁低能囉，1000蚊可以利誘佢，講真，嗰班𡃁仔畀人利誘出嚟掟汽油彈就有」，言論暗諷有前年反修例示威者收受利益。