【明報專訊】由特首林鄭月娥主持嘅港台電視節目《選委界別分組面面觀》噚日播出第三、四集，訪問香港科技園主席查毅超同全國青年聯合會副主席霍啟剛，節目同選委會有關，不過節目內容大部分都係講林太同受訪者嘅工作。林太同查毅超就講香港再工業化嘅前景，查話「唔係擦政府鞋」，但近三幾年有政府支持科學園發展幅度好大，3年前只有700間公司，𠵱家已有超過1000間，中午食晏難搵位到拍得住中環。霍啟剛就介紹，全國青聯中有94名係香港人，7名係內地駐香港朋友，各行各業都有。 相關字詞﹕選委會 霍啟剛 查毅超 修改選舉條例 林鄭月娥
