【明報專訊】中央大改香港選舉制度,選委會增設「同鄉社團」界別,立法會又有40席選委會界別議員,想喺政治架構中佔一席位嘅機會更多。福建社團聯會副主席兼秘書長施榮忻(圖)近期為福建同鄉密密發聲爭取選委會席位,有傳媒就話佢係出選立法會嘅潛在人選𠻹。不過,施榮忻同Emily講,雖然有福建嘅長輩想佢有機會上立法會,但佢表明現時屋企啲細路仲細,福建社團聯會嘅工作都繁重,佢仲後生想專心做好一樣嘢,所以唔會兼顧到立法會咁吃重嘅工作喇。 相關字詞﹕立法會 選委會 施榮忻 福建社團聯會 同鄉社團