港聞

港聞二

【Emily】民記開治政班 林鄭先教幾招

【明報專訊】民建聯推出「政道──治政理念研習課程」,下周五截止報名。民建聯創黨主席曾鈺成之前爆料,話行政長官林鄭月娥當年當選後彈過民建聯多年來未能為政府培養人才,今次民記開班,噚日就上載林鄭推介課程嘅片段,林太話非常歡迎民記呢次主動、率先去諗點樣為香港培養更多管治人才,仲話培育完人才可以同特區政府分享,唔應該只係立法會層次。佢又分享治港心得,例如唔好太過介意每做一件事係要得到市民認同或民望;仲勸從政者要堅持立場,但同時要以人為本,「接地氣」聽市民意見等。

上 / 下一篇新聞