【明報專訊】智慧燈柱喺2019年中啟動時惹嚟監控疑雲，政府及後成立技術諮詢專責委員會，委員會上年3月呈交嘅報告其中一個建議政府要搞多啲活動、展覽，多同公眾接觸溝通，介紹智慧燈柱上面應用嘅技術。事隔一年，資科辦噚日推出咗智慧燈柱專題網站做「虛擬展覽」，以「智慧燈柱 照亮未來」為主題。網站入面真係有個攤位畀你撳，可以「行去」唔同區睇燈柱上嘅裝置，例如交通資訊區中有收集交通數據嘅熱能探測器、光學雷達等，每個配件逐一介紹，仲有短片講解。 相關字詞﹕光學雷達 資科辦 智慧燈柱
