港聞

港聞二

【Emily】會否做選委會召集人? 董生話唔回應

【明報專訊】全國人大常委會修改《基本法》附件一後,選舉委員會將增設召集人制度,必要時召集選委會會議,總召集人講明係由擔任國家領導人嘅選委會委員擔任。特首林鄭月娥前日講應該係兩名全國政協副主席其中一人,咁究竟係董建華定梁振英做?全國人大常委譚耀宗噚日話,自己唔講邊個比較合適,避免唔公道,但如果係論資排輩就可以計年資。董生係首任特首,會唔會樂意擔任?佢透過發言人話唔會回應有關問題。

上 / 下一篇新聞