【Emily】鄧竟成行山look撐改選舉制街站

【明報專訊】建制派喺全港各區收集市民簽名支持人大修改香港選舉制度嘅《決定》，新民黨李梓敬（左）噚日喺大圍顯徑擺街站，就有人主動去簽名，睇真啲，呢個一身專業行山裝備嘅人係全國政協委員、警務處前處長鄧竟成（中）。Emily問李梓敬，佢話當時鄧sir準備去行山，主動走埋街站，話鄧sir包到實，戴帽戴口罩，問佢認唔認得自己，李梓敬就知道係鄧sir喇。鄧sir就同Emily講，當時佢準備上獅子亭途中，因為佢一個人行山，所以要準備好啲咁話。