【Emily】想辯論 何柱國：林鄭選 我必選

【明報專訊】全國政協常委何柱國（圖）多次登報，向特首林鄭月娥發公開信，批評政府施政。出年有新一屆特首選舉，何柱國噚日接受無綫（TVB）新聞部訪問時，被問到有冇擔任政府職務嘅意願，佢回答有可能選特首，但並非為咗贏，而係話如果林太競逐，佢一定會參選，「因為佢（林太）講過一句說話，佢認為佢嘅建設多過破壞。我對呢句說話有啲唔同睇法，所以我想睇睇佢建設咗啲咩」。何柱國再被問到林太破壞咗啲咩，佢只係答「所以大家要辯論」。