【Emily】料泛民唔會杯葛選舉 葉劉話唔敢得罪馮煒光

【明報專訊】人大主導香港政改，唔少人都認為有關方案將令泛民日後難參選，甚至杯葛選舉，行政會議成員、新民黨主席葉劉淑儀噚日接受商台訪問點評，佢相信民主派一定唔會杯葛選舉，舉例指曾經屬民主黨嘅狄志遠日前都話唔排除參選，葉太認為民主派仍有當選機會。主持問佢，咁前新聞統籌專員馮煒光係咪都可以用前民主黨身分參選？葉太就話「機會低啲喇」，但隨即話要「掌嘴」，「我唔敢得罪佢啊」。