【Emily】稱推女權進展好 林鄭：常秘八成女性

【明報專訊】噚日係三八國際婦女節，香港首位女特首林鄭月娥噚日會見傳媒時就先交代政府推動婦女權益嘅進展，佢喺2018年嘅《施政報告》列舉咗6項措施，形容現時進展「非常良好」，包括去年12月已落實將法定產假由10星期增至14星期，喺超過330個政府設施內提供育嬰間或哺乳室，又修訂《性別歧視條例》，將騷擾餵哺母乳定為違法行為，為母親提供更好保障等。