【明報專訊】民建聯上月提出「變革香港」,民建聯會務顧問、全國人大常委譚耀宗噚日話,該黨會研究點改善「問責制」。佢點評政府雖然努力,但做好多嘢都唔夠全面、有好多疏漏,又話特首選舉後得幾個月埋班,形容管治團隊個個「散兵游勇、雜牌軍咁」,唔夠團隊精神,仲不點名批評有官員「事不關己、高高掛起」;而好多政務官處理政治問題「有心無力」。佢話民記成立近30年不斷輸出政治人才,司局長都有,透露未來會搞管治人才培訓課程,再自我提升參政、議政能力。 相關字詞﹕李慧琼 行政長官 特區政府 變革香港 民建聯 譚耀宗