【明報專訊】新民黨主席葉劉淑儀早前獲邀參觀特殊教育學校「禮賢會恩慈學校」，並接受該校校長同老師訪問。做過一年教師嘅葉太透露，由佢創立嘅匯賢智庫都有聘請過唐氏綜合症人士，對方好多病痛，𠵱家50幾歲。佢形容，喺聘用時已經知道唔容易，例如唐氏綜合症人士同其他同事相處時，可能喺寫字樓特別活躍，鍾意同人傾偈，都收過投訴話佢騷擾同事。
