【明報專訊】民主黨元朗區議員鄺俊宇「鄺神」噚日38歲生日，佢喺facebook上載一張蛋糕相（圖），話生日依舊喺工作中度過；相中背景係幾個裝有市民個案嘅文件夾。鄺神感激親友同事，話今年願望係「好人一世平安」，希望每個善良嘅香港人都得到上天守護，「無論遇多大的風雨，我們都能夠繼續在一起」。至於未來一年目標，鄺神話會將勤補拙，每日拍攝兩段YouTube影片、繼續推動社福政策，做好民生。身兼愛情小說作家嘅鄺神仲話，來年會多寫文，希望推出更多作品，睇嚟鄺神嘅書迷可以期待一下。Emily喺度祝鄺神生日快樂，願望成真。