【Emily】學者引大數據：貓咪幾時絕育？建議4個月大

【明報專訊】貓咪繁殖率高，一年可以生3次，每胎最多有6隻貓B，如果唔及時幫佢哋絕育，可能會令棄養情况惡化，導致流浪貓數量愈來愈多。城市大學臨牀動物醫學系主任、動物醫學及傳染病講座教授兼伴侶動物健康研究中心主任Julia Beatty嘅大數據研究發現，雖然澳洲有超過八成嘅貓已絕育，但當中只得21.5%嘅雌貓喺4個月大或之前絕育，但貓喺4至6個月大已經發育可以懷孕，如太遲絕育會出現「懷孕空窗期」，建議提前至貓貓4個月大時做絕育手術。