【明報專訊】政府日前將佐敦油麻地一帶劃為「受限區域」，封鎖47.5小時後解封。封鎖期間，新填地街49至50號海味雜貨檔檔主芳姐一度向區議員求助，話兩隻喺排檔放養嘅貓貓已經斷水斷糧兩日，最終消防到場協助救出25歲貓女「財女」，但10歲貓仔「十仔」就不知所終。Emily噚日再到排檔了解，見到「十仔」企咗喺一間舖頭外曬太陽，好梳乎！原來佢好叻仔，噚日朝早已經返咗排檔喇。
