【明報專訊】香港仲未開始打新冠病毒疫苗，全國政協委員、人大代表噚日同今日分批上深圳接種疫苗，為3月上北京開兩會做準備。由於始終係新疫苗，接種者要自負風險，Emily收到風，政協、人代打疫苗前要簽同意書，文件寫住係「滅活疫苗接種知情同意書（適用於緊急使用（試用））」，仲列出多項有可能出現嘅不良反應，極罕見不良反應可能會出現「過敏性休克」。如果咁唔好彩發生異常反應，咁要信政府，因為文件寫明，「將按照國家相關規定進行補償」。 相關字詞﹕新冠疫情 國藥疫苗 疫苗 全國人大代表 政協委員
