【Emily】警隊宣傳片周六播 製作費「唔講得」 鄧炳強演「傷心柴」派彩蛋

【明報專訊】相隔廿年，警方再次搵嚟本港導演林超賢拍宣傳片，名為「守城」，呢個星期六晚喺電視同網上首播。Emily噚日先睹為快，發覺呢條以反恐故事為骨幹嘅新宣傳片，同2001年嗰條宣傳片畀人截然不同嘅感覺，舊片賣溫情，多個鏡頭都係講警員點樣拯救巿民，新片就硬橋硬馬要展現警隊實力，講點樣打擊喺全港多處放置炸彈嘅恐怖分子。警察公共關係科總警司郭嘉銓話，條片想展示警隊有能力守護香港。最後當然係邪不能勝正。