港聞

港聞二

【Emily】元旦無遊行 改車巡展連儂布 民陣車頂叫口號 警包圍話犯聚

【明報專訊】受疫情同限聚令等影響,民陣噚日無發起「元旦大遊行」,選擇同各政黨、區議員喺全港18區懸掛超過30塊「連儂布」橫額,又發起「釋放政治犯」嘅車巡行動,由荔枝角收押所外出發,途徑尖沙嘴、銅鑼灣等,最後駛到金鐘立法會附近。民陣召集人陳皓桓、副召集人葉錦龍,同埋支聯會主席李卓人出發前喺車頂發言,高呼「釋放政治犯」等口號,車輛一度畀10幾個警察包圍,話佢哋違反限聚令,不過警方最後無發出告票。

上 / 下一篇新聞