【明報專訊】立法會前議員許智峯同好鄰舍北區教會嘅銀行戶口被凍結，同樣涉及眾籌。去年反修例運動開始後成立嘅「612人道支援基金」亦有接受公眾捐款，外界關注基金嘅戶口遲啲會唔會被凍結。基金噚日喺facebook發聲明，話基金主要捐款來源同支援開支都係喺香港，出於運作上嘅限制，無法喺外地開設銀行戶口。另外，基金戶口設於匯豐銀行，聲明話無論喺任何本地銀行開戶口，有關戶口嘅運作都要遵守相同嘅法規，所以基金現時未打算喺其他銀行開戶口。 相關字詞﹕匯豐銀行 眾籌 612人道支援基金
