【Emily】基本法當年「好短」 葉劉：𠵱家肥好多

【明報專訊】《基本法》頒布30年，新民黨主席葉劉淑儀形容《基本法》「肥咗好多」，話說葉太噚日出席匯賢智庫主辦嘅「《基本法》溫故知新」論壇，特登帶埋1990年嘅硬皮版《基本法》，當年佢做官，有份講解居留權問題，所以獲基本法秘書處贈送呢本硬皮版；佢話當年基本法好短，但最新一本就「肥咗好多」，因為要包埋《憲法》，以及附錄、人大釋法、人大決定。