【Emily】白雪仙膺榮譽博士 馬時亨上門頒

【明報專訊】香港教育大學噚日頒授榮譽博士學位畀白雪仙「仙姐」（左）。由於疫情反覆，頒授典禮未能夠喺教大校園舉行，改由校董會主席馬時亨（右）到仙姐府上頒授。仙姐原名陳淑良，同已故拍檔任劍輝係粵劇界殿堂級人物。對於獲頒授博士榮銜，仙姐話唔單止係佢嘅個人榮譽，亦係對仙鳳鳴劇團兄弟姊妹嘅肯定；深切盼望粵劇呢門寶貴嘅傳統藝術，得以繼續承傳同發揚光大。即將卸任校董會主席嘅馬時亨話，仙姐喺粵劇界貢獻良多，佢嘅非凡成就同無私奉獻，值得致以最崇高嘅敬意。二人噚日拎住頒授證書，喺任劍輝照片前合照（圖）。