【Emily】民署籲會議延期防疫 唔提供場地服務 深水埗區議員Zoom開會 官員缺席

【明報專訊】新冠病毒疫情近日反彈，疫情期間，唔少人開會都改喺網上，深水埗區議會噚日都用Zoom召開環境衛生事務委員會會議。委員會主席覃德誠話，周一（11月30日）收到通知，民政署以疫情為由，希望會議延期，亦唔提供會議室或秘書服務。覃德誠話，因為委員會非常關注區內環境衛生問題，加上睇過深水埗《會議常規》，未見否定網上會議，所以就用Zoom開會。不過噚日就無官員代表出席。