【明報專訊】去年反修例風波期間，唔少年輕人被捕甚至遭檢控，特首林鄭月娥喺《施政報告》提及，18歲以下有悔意、唔係涉及嚴重罪行嘅被捕者，警方願意視乎情况，考慮採取警司警誡、簽保守行為處理。林太噚日喺無綫電視節目《講清講楚》話，保安局長李家超、警務處長鄧炳強見到咁多中小學生被捕，「以為（兩人）硬朗大男人，其實個心都好軟」，希望幫學生、畀機會佢哋改過自新，認為最好機會係唔留案底，但都要被捕者承認犯錯，否則冇基礎安排。
