【明報專訊】高等法院之前裁定劉小麗選舉呈請勝訴，喺嗰次立法會補選勝出嘅建制派陳凱欣屬非妥為當選，阿欣提出上訴，終院喺9月18日拒批上訴許可，佢即時失去議席。事隔兩個月，阿欣同Emily講新動向，話將會做老闆娘開公關公司，希望接job幫人搞吓網上論壇、做主持，甚至會助選，為政治新人提供培訓，教演講、應對傳媒等。佢形容自己做生意係因為「冇得揀」，因為想搵份時間彈性啲嘅工作，等佢可以繼續落區。佢強調，之前儲咗少少資金，公司係佢全資擁有，冇其他人打本畀佢。 相關字詞﹕公關 建制派 立法會議員 陳凱欣
