【明報專訊】疫情下唔少人好耐都無搭過飛機，不過有4隻貓今年就由土耳其搭飛機嚟咗香港，仲打算正式「移民」。話說7月，有人喺一架由土耳其來港嘅貨機機艙內發現4隻貓BB，佢哋由漁護署接走，當時外界都好擔心貓BB會好似舊年由泰國誤上貨船抵港嘅小狗一樣被人道毁滅。事隔4個月，愛護動物協會噚日喺facebook更新4隻貓咪近况，原來過去幾個月貓BB一直按漁護署嘅指引隔離檢疫，最近完成檢疫，愛協正為4貓咪尋家，希望幫佢哋正式定居香港。 相關字詞﹕疫情 貨機 土耳其 愛護動物協會 領養替代購買 領養
