【明報專訊】4名民主派畀人大決定DQ議員資格後，其餘15名民主派總辭，非建制派得醫學界陳沛然同熱血公民鄭松泰留任，二人獲港澳辦讚賞「沒有被綁架上『總辭』的戰車」，形容係明智之舉、值得肯定。鄭松泰噚日話對港澳辦說法「No comment（不予置評）」，又話留任嘅原因星期三已經講咗，會繼續喺議會站在香港人長遠福祉、利益同權利發聲，對「明日大嶼」計劃、內地投票都會反對。
