【明報專訊】經過3次會議，立法會資訊科技及廣播事務委員會噚日終於選出建制派支持嘅何君堯做主席，副主席要下次先選。多名民主派議員喺會上批評何君堯涉及唔少爭議事件，有份同何君堯競逐主席嘅民主黨尹兆堅話，何長期話要整治香港電台，佢當選係畀機會佢操刀。尹兆堅又舉起條鐵線考何君堯，話係同事喺鴨寮街買嚟嘅裝置，質疑佢對資訊科技有幾多認識。何君堯就話明，佢做咗主席，「行出改革港台的第一步」。 相關字詞﹕立法會資訊科技及廣播事務委員會 尹兆堅 莫乃光 資訊科技界 何君堯
